အိုင်တီ သမားတယောက် ရှိသင့်သည့် ကိုယ်ကျင့်တရားများ

အိုင်တီ သမား တစ်ဦး အနေနဲ့ လိုက်နာရမဲ့ ကိုယ်ကျင့် တရား အများ အပြား ရှိပါသည်။ ပြည်ပတွင် အလုပ် လုပ်နေသည့် အိုင်တီ သမား များသည် ထို ကိုယ်ကျင့် တရားများကို အထူး ဂရုစိုက် ကြရပါသည်။ အိုင်တီ သမား၏ ကိုယ်ကျင့် တရားများ ဆိုင်ရာ ဘာသာရပ်သည် နိုင်ငံတစ်ကာ အဆင့်မှီ တက္ကသိုလ်များတွင် အိုင်တီပညာ ဘွဲ့ယူရန် သင်ကြားမည် ဆိုပါက မဖြစ်မနေ သင်ယူရမည့် ဘာသာရပ် ဖြစ်သည်။ အိုင်တီသမား တစ်ဦး အနေဖြင့် ရှိအပ်သည့် Genearl Moral Imperatives ခေါ် အခြေခံ ကိုယ်ကျင့် တရားများဖြင့် ပြည့်စုံခြင်း ရှိမရှိ အောက်ပါ မေးခွန်း (၄) ခုကို ၏ အဆိုကို အမှန်၊ အမှား ရွေးချယ် ဖြေဆိုကြည့်ခြင်းဖြင့် ကိုယ်တိုင် ဆန်းစစ်နိုင်ပါမည်။

မေးခွန်း(၁)
မိမိသည် ဘုန်းကြီးကျောင်း၊ သို့မဟုတ် ဘုရားကျောင်း ကဲ့သို့သော ကုသိုလ်ဖြစ် အဖွဲ့ အစည်းတွင် ကွန်ပျူတာနှင့် ပတ်သက်၍ အခမဲ့ ကူညီလုပ်ကိုင် ပေးနေသည်။ မိမိ ကုသိုလ်ဖြစ် လုပ်ပေးနေသည့် ကိစ္စများ တစ်ခါတစ်ရံ မပြီးပြတ်သည့်အခါ မိမိ၏ အလုပ်ခွင်တွင် မိမိအသုံးပြုနေသည့် ကွန်ပျူတာကို အားလပ်သည့် အချိန်တွင် အသုံးချ၍ လုပ်ပေးသည်။ အဘယ်ကြောင့် ဆိုသော် မိမိသည် အလှူဒါနကို အများအတွက် ပြုလုပ်ပေးခြင်း ဖြစ်ပြီး အခြား ကိုယ်ရေး ကိုယ်တာ ကိစ္စအတွက် အလုပ်မှ ကွန်ပျူတာကို သုံးခြင်းမဟုတ်။ ထို့အပြင် အလုပ်ခွင်မှ အားလပ်သည့် အချိန်မှသာ အလုပ်မှ ကွန်ပျူတာကို အသုံးပြုသည် ဖြစ်သဖြင့် အလုပ်ကို မထိခိုက်ပါ။ ထို့ကြောင့် ဤကဲ့သို့ လုပ်ဆောင်ခြင်းဖြင့် အိုင်တီသမား တစ်ဦး ရှိသင့်သည့် ကိုယ်ကျင့် တရားကို မထိခိုက်ပါ။ ဤ အဆိုမှန်ပါသလား၊ မှားပါသလား ဖြေဆိုကြည့်ပြီး အောက်ဆုံးတွင် ရေးထားသည့် အဖြေနှင့် တိုက်ဆိုင်ကြည့်ပါ။

မေးခွန်း (၂)
မိမိသည် ကွန်ပျူသမား တစ်ဦးဖြစ်သည်ကို သိကြသည့် မိမိ၏ မိတ်ဆွေများနှင့် သူတို့က တဆင့် မိတ်ဆက်ပေးသည့် မိတ်ဆွေများ၏ ကွန်ပျူတာများကို အခါအားလျှော်စွာ ကြည့်ရှုပေးရသည်။ ထိုသို့ ကြည့်ရှုပေးရာတွင် မိမိက တစ်ခါတရံ အခကြေးငွေလည်း ယူသည်။ မိတ်ဆွေများ များပြားလာသည့်အခါ မိမိ၏ ပြင်ပ ကိုယ်ပိုင် လုပ်ငန်းလေး တစ်ခုကဲ့သို့ ဖြစ်နေတော့သည်။ သို့ရာတွင် မိမိက အလုပ်ဌာန တစ်ခုတွင် ကွန်ပျူတာအိုင်တီ သမားတစ်ဦး အဖြစ် အချိန်ပြည့် တာဝန်ထမ်းဆောင် လျှက်ရှိသည့် အခါ မိမိ၏ မိတ်ဆွေများက ရုံးချိန်အတွင်း မိမိအား တယ်လီဖုန်း ဖြင့် ဆက်သွယ်နိုင်မည် မဟုတ်ပါ။ ထိုအခါ မိမိ အနေဖြင့် မိမိတာဝန် ထမ်းဆောင်နေသည့် အလုပ်ဌာနတွင် မိမိကိုယ်ပိုင် အသုံးပြုသည့် အီးမေးလ် လိပ်စာကို အသုံးပြုပြီး၊ မိမိ၏ မိတ်ဆွေများနှင့် အဆက်အသွယ် ပြုလုပ်သည်။ ဤကဲ့သို့ လုပ်ဆောင်ခြင်းဖြင့် အိုင်တီသမား တစ်ဦး ရှိသင့်သည့် ကိုယ်ကျင့် တရားကို မထိခိုက်ပါ။ ဤ အဆိုမှန်ပါသလား၊ မှားပါသလား ဖြေဆိုကြည့်ပြီး အောက်ဆုံးတွင် ရေးထားသည့် အဖြေနှင့် တိုက်ဆိုင်ကြည့်ပါ။

မေးခွန်း (၃)
မိမိသည် ပရိုဂျက်တစ်ခုကို လုပ်နေရာတွင် သတ်မှတ်ထားသည့် အချိန်အတွင်း ပြီးဆုံးရန် မဖြစ်နိုင်သည့် အခြေအနေသို့ ရောက်လာသည်။ ထိုသို့ သတ်မှတ်ချိန် အတွင်း ပြီးစီးရန်မူ နောက်ဆုံး အဆင့်ဖြစ်သည့် ပြန်လည် စစ်ဆေးခြင်း နှင့် စမ်းသပ်ခြင်း ပြုလုပ်ရမည့် အချိန်ကို အစားထိုး သုံးမှသာ ဖြစ်နိုင်တော့မည် ဖြစ်ရာ၊ နောက်ဆုံး အဆင့် ပြန်လည် စမ်းသပ် စစ်ဆေးခြင်း မပြုလုပ်တော့ဘဲ သတ်မှတ်ချိန်အတွင်း အပြီးသတ် ဆောင်ရွက်ပေး လိုက်တော့သည်။ ဤကဲ့သို့ လုပ်ဆောင်ခြင်းဖြင့် အိုင်တီသမား တစ်ဦး ရှိသင့်သည့် ကိုယ်ကျင့် တရားကို မထိခိုက်ပါ။ ဤ အဆိုမှန်ပါသလား၊ မှားပါသလား ဖြေဆိုကြည့်ပြီး အောက်ဆုံးတွင် ရေးထားသည့် အဖြေနှင့် တိုက်ဆိုင်ကြည့်ပါ။

မေးခွန်း (၄)
မိမိ၏ အလုပ်ရှင်က မိမိကို ဆော့ဖ်ဝဲလ် ရေးရန် အတွက် အလုပ်ခန့်ထားသည်။ လခလည်း ကောင်းကောင်း ပေးထားသည်။ မိမိရေးသည့် ဆော့ဖ်ဝဲလ်မှာ အသုံးပြုသူ User များအတွက် အချိန်တိုတိုနှင့် အကျိုးရှိစွာ အသုံးချနိုင်သည် ဖြစ်စေ၊ မချနိုင်သည် ဖြစ်စေ၊ မိမိ၏ တာဝန်မရှိပါ။ ဤကဲ့သို့ လုပ်ဆောင်ခြင်းဖြင့် အိုင်တီသမား တစ်ဦး ရှိသင့်သည့် ကိုယ်ကျင့် တရားကို မထိခိုက်ပါ။ ဤ အဆို မှန်ပါသလား၊ မှားပါသလား ဦးစွာ ဖြေဆိုကြည့်ပြီး အောက်ဆုံးတွင် ရေးထားသည့် အဖြေနှင့် တိုက်ဆိုင်ကြည့်ပါ။

အထက်ပါ မေးခွန်းများတွင် မေးခွန်း နံပါတ်(၁)မှာ မိမိ၏ အချိန်ကို လစာပေး၍ ဝယ်ယူထားသည့် အခါမျိုးတွင် အချိန်ဝယ်ယူ ထားသူ၏ သိရှိ သတောညီချက် မရှိဘဲ မသုံးသင့်ပါ။ ထို့ကြောင့် မေးခွန်း နံပါတ်(၁) အဆိုမှာ ဤကဲ့သို့ အခြေအနေကို မဖော်ပြ ထားသဖြင့် မှားပါသည်။ မေးခွန်း နံပါတ်(၂)မှာ လည်း အလားတူပင် ဖြစ်ပါသည်။ ထို့ကြောင့် မှားပါသည်။ မေးခွန်း နံပါတ်(၃)မှာ အိုင်တီသမားတို့ အဓိက ရှိသင့်သည့် Avoid harm to others ဆိုသည့် ကိုယ်ကျင့် တရားနှင့် Be honest and trustworthy ဆိုသည့် ကိုယ်ကျင့် တရားများ ဖြစ်ကြသည့် တစ်ဦးတစ်ယောက်ကို နစ်နာစေခြင်း မရှိစေရအောင်၊ ရိုးရိုးသားသား နှင့် ယုံကြည် စိတ်ချရအောင် ကျင့်ကြံရမည် ဖြစ်ရာ၊ မိမိ၏ ဆော့ဖ်ဝဲလ်သည် အသုံးပြုသူ၏ ယုံကြည်စိတ်ချရမှု ရှိစေဖို့ နှင့် အခြား ထိခိုက်မှု တစ်စုံတစ်ရာ မဖြစ်ဖို့ရန် မိမိမှာ တာဝန်ရှိသဖြင့်၊ ထိုအဆိုလည်း မှားပါသည်။ မေးခွန်း နံပါတ်(၄) အဆိုမှာ အိုင်တီသမားအဖို့ ခံယူရမည့် Strive to achieve the highest quality, effectiveness and dignity in both the process and products of professional work ဆိုသည့် ဂုဏ်သိက္ခာကို ကျွမ်းကျင်သူ ပညာရှင် အနေဖြင့် ပြုလုပ်သည့် လုပ်ငန်းစဉ်နှင့် ပြုလုပ်လိုက်သည့် ထွက်ကုန်ပစ္စည်း ထဲတွင် အကောင်းဆုံး အရည်အသွေး ဖြစ်အောင် ကြိုးစား အားထုတ်ခြင်း နှင့် အသုံးပြုသူ အတွက် အကျိုးရှိစေခြင်း ရှိရမည် ဖြစ်သည်။ ထို့ကြောင့် နံပါတ် (၄) အဆိုမှာလည်း မှားယွင်းပါသည်။

အိုင်တီ သမားများအတွက် အခြေခံ လိုအပ်သည့် ကိုယ်ကျင့်တရား (၈) ချက်ကို ကွန်ပျူတာ လူ့အဖွဲ့ အစည်းများက အောက်ပါအတိုင်း သတ်မှတ် ဖော်ပြကြပါသည်။

၎င်းတို့မှာ-

• Contribute to society and human well-being
  အများပြည်သူနှင့် လူအများအား ကူညီထောက်ပံ့ခြင်း၊
• Avoid harm to others
  အခြားသူ တစ်ဦးတစ်ယောက် ထိခိုက်နာကျင် စေမည့်ကိစ္စကို ရှောင်ကြဉ်ခြင်း၊
• Be honest and trustworthy
  ရိုးသားခြင်းနှင့် မိမိအပေါ် ယုံကြည်မှု ရရှိစေခြင်း၊
• Be fair and take action not to discriminate
  သာတူညီမျှရှိခြင်း နှင့် ခွဲခြားသည့် ဆက်ဆံ ဆောင်ရွက်မှု မရှိခြင်း၊
• Honor property rights including copyrights and patent
  တစ်ဦးခြင်း၏ မူပိုင်ခွင့်များ၊ မှတ်ပုံတင် မူပိုင်ခွင့်များ အပါအဝင် ဥစ္စာပစ္စည်း ပိုင်ဆိုင်မှု အခွင့်အရေးကို လေးစားခြင်း၊
• Give proper credit for intellectual property
  သူတစ်ပါး၏ အသိဥာဏ်ပညာကို အသိအမှတ်ပြု ဖော်ပြခြင်း၊
• Respect the privacy of others
  သူတစ်ပါး၏ ကိုယ်ပိုင် ပုဂ္ဂလိက အခွင့်အရေးကို လေးစားခြင်း၊
• Honor confidentiality
  လျှို့ဝှက် ထားရှိမှုအတွက် စောင့်ရှောက်တတ်ခြင်း၊

တို့ဖြစ်ကြပါသည်။

မူရင်း။ မီးပြတိုက် ဘလော့ဘ်မှ ကူးယူဖော်ပြပါသည်။